الرضاعة الأولى

دليلك للرضاعة الطبيعية لأول مرة

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة

أول حصة رضاعة كتعتبر فرصة لإيقاظ الحواس بين الأم وصغيرها. الوضعية الصحيحة للثدي أمر مهم باش تبداي الرضاعة، وباش تكون هاد العملية ناجحة، دلع غتقدم لك هاد الخطوات الساهلة والبسيطة:

-حملي الطفل ديالك بين ذراعك ويكون وجهو مُقابل للثدي، خاص جسم الطفل كلو يكون ملتف عندك وماشي غير الرأس ديالو باش تسهال عملية البلع.

-حاولي تحركي حلمة الثدي على شفاه الصغير باش يفتح الفم ديالو.

-حاولي تخلي رضيعك يلتقط حلمة الثدي بوحدو ويقوم بالمبادرة بشكل تلقائي

-حاولي تمسكي الثدي ديالك وتخليه ثابت حتى يرضع الصغير بشكل كافي.

–غتعرفي أنك كترضعي بشكل صحيح، فاش غيقيس الدقن والأنف ديال صغيرك الثدي ديالك.

– تأكدي أن الرضيع مكيمصش الشفة السفلة ديالو.

-حاولي تراقبي رضيعك باش تتبعي معاه عملية الرضاعة، غتسمعيه كيبلع الحليب وغتلاحظي حركة الخذ ديالو فاش كيمص الحليب وكيبلع. إيلا كان الطفل مكيرضعش مزيان غتسمي صوت طقطقة.

دلع كتطمأنك أن:

• طفلك غيتعلم بوحدو كيفية الرضاعة بالثدي مع الوقت
• الوضعية الصحيحة خلال الرضاعة غتسهل عليكم هاد العملية
• الرضاعة تعزز العلاقة والرابط بين الأم وطفلها