الفیتامینات أثناء الحمل

شنو خاص ناخد في الفيتامينات خلال فترة الحمل

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة.

خلال فترة الحمل، كيستهلك الجسم ديالك الفيتامينات، المعادن والمغذيات الطبيعية اللي موجودة في الأطعمة باش يحافظ على جنينك ويساعده على النمو بشكل طبيعي. داكشي علاش الجنين كيستقبل من الأطعمة اللي كتتناولي جميع المغذيات اللي كيحتاجها.

دلع غتقدم لك أكثر المكونات الغذائية المهمة اللي خاصك تاكليها طيلة فترة الحمل:

هاد المُكونات الغذائية ال6 كتعزز نمو وتطور الجنين طيلة فترة الحمل:

1-حمض الفوليك: (الفواكه برتقالية اللون، البرتقال، عصير البرتقال، المندرين، الخضروات ذات اللون الأخضر الداكن، السبانخ، الأسبيرج، القرنبيط، البروكلي والخس)

2-الحديد (السمك، البيض، اللحم، الخضر، السبانخ، الخضروات الجافة، العدس، الجلبانة، اللوبيا، اللوبيا الحمراء، فواكه البحر، الدجاج، الديك الرومي، الحبوب، الشوفان، الزنجلان، الزريعة الكحلة.

3-الكالسيوم: (الحليب، الياغورت، الفرماج، اللوز)

4- فيتامين د: (الحليب، السمك الدهني، المارغارين، صفار البيض، السلمون، سمك لاترويت، التونة، السردين)

5- حمض الأوميغا3: (السمك الدهني، السلمون، السردين، السمك المعلب)

6- اليود: (طحالب البحر، السمك، فواكه البحر، منتجات الحليب، الحليب، الياغورت، الفرماج)

دلع كتطمأنك أن:

• الفيتامينات، المعادن والمغذيات الأخرى كتحافظ على صحتك وصحة الجنين
• الفيتامينات كتعزز نمو وتطور الجنين