أسرار الرضاعة الطبیعیة الناجحة

الرضاعة الطبيعية…لحظات ماعندهاش مثيل كتقضيها مع صغيرك

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة

فهاد الموضوع دلع غتقدم توعية للأمهات باش يحافظوا على الرابط اللي بينهم وبين الأطفال الرضع اللي هو الرضاعة الطبيعية. هاد النصائح يمكن ليك تبعيها باش تضمني عملية رضاعة طبيعية ناجحة.

خليك ديما قريبة من رضيعك بعد الولادة:

البقاء قريبة من رضيعك دائما، كيعزز رابط القرب اللي بيناتكم وكيخليكم تعيشوا أحاسيس رائعة خصوصا فاش كترضعيه.

حافظي دائما على ترابطك مع طفلك

الثديين ديالك غيكونوا مازال رطبين وناعمين في الأيام الأولى بعد الولادة، من بعد غيصبحوا أكثر صلابة فاش الحليب ديالك كيتحول من اللبا لحليب مغذي.

خليك صبورة

باش تعلمي ترضعي طفلك، لازم شوية ديال الوقت وشوية ديال الصبر. إيلا كنت معصبة ومقلقة من الأفضل مترضعيش طفلك فهاديك اللحظة، وحاولي تسترخي وترتاحي، وتعاودي التجربة بعد قليل. إيلا كان رضيعك كثير الحركة ومتحمس، طلبي من الزوج ديالك ياخدو شوية الوقت اللي ترتاحي فيه وتعاودي محاولة الرضاعة من جديد.

غذي رضيعك عند الطلب أو حسب الحاجة

كوني مطمئنة، فالرضاعة المتكررة والفعالة غتساعدك على إنتاج ما يكفي من الحليب لطفلك.

نعسي رضيعك حداك في نفس الغرفة

تواجد رضيعك معك في نفس الغرفة كيعزز من عملية الرضاعة الطبيعية وكيساعدك أكثر باش تعرفي الوقت اللي كيكون فيه صغيرك محتاج يرضع.

من الأفضل رضيعك يكون دائما معك في نفس الغرفة، سواء في المستشفى أو فالدار. هادشي كيعزز من روابط الرضاعة الطبيعية، وكيخليك تعرفي بسهولة امتى طفلك جائع وامتى كيبكي وامتى كيحتاج منك تهزيه بين دراعك، وامتى بالضبط خاصو يرضع.

دلع كتطمأنك أن:

• الاسترخاء مهم لإرضاع طفلك جيدا
• أرضعي طفلك حسب حاجته
• مع الممارسة، ستعرفين إيقاع الرضاعة الطبيعية لطفلك