دلع TV تسجيل الدخول

رسائل إخبارية

احصل على السعادة
كل أسبوع!

تغذیة الأم خلال الرضاعة

نصائح غذائية تبعيها بعد الولادة

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة

دلع غتتشارك معاك هاد النصائح الخاصة بالتغذية، باش تحافظي على صحتك وطاقتك بعد الولادة.

-شربي بزاف ديال السوائل:

الجسم ديالك كيحتاج بزاف ديال السوائل، (بين 6 إلى 10 أكواب في اليوم). خصوصا إيلا كنت كترضعي. شربي أولا الماء بكثرة، ثم الحليب وعصائر الفواكه الطرية.

-تناولي الأطعمة اللي كتحتوي على البروتينات:

بحال الحليب، الفرماج، اليغورت، اللحم، السمك، اللوبيا. الأطعمة الغنية بالبروتينات مفيدة بزاف باش تتعافي بسرعة من الولادة.

-تناولي الخضر والفواكه

كتحتوي الخضروات والفواكه على مجموعة من الفيتامينات والمعادن اللي كتحافظ على صحتك. وفيها أيضا الألياف الغذائية اللي كتحمي من القبط.

-تناولي فيتامينات قبل الولادة:

إيلا كنت كترضعي من الأفضل تستمري في تناول الفيتامينات اللي كنت كتاخدي قبل الولادة.

-تجنبي تناول الأطعمة غير الصحية:

فحال المشروبات الغازية، البسكويت الحلويات وحتى البطاطس المقلية.

دلع كتطمأنك أن:

  • باش ترجعي صحيحتك بسرعة بعد الولادة، ضروري تتبعي نظام غذائي صحي
  • التغذية السليمة كتزيد من طاقتك