شنو نتوقع فالثلث الثاني من الحمل؟

الثلث الثاني من الحمل…بين الفضول والاكتشاف

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة.

فهاد المرحلة الثانية من الحمل، كيبانو أعراض أخرى ماكانتش في الجزء الأول، دلع كتطمنك لالة وتقولك بلا متخافي، لأنها أعراض بسيطة وعادية جدا، ويمكن تختالف من امرأة لأخرى.

-كرشك والثديين تزادو فالحجم ديالهم.

-البشرة ديالك بدات كتبدل

-كتجيك شوية ديال الدوخة مرة مرة

-كتحسي بشد عضلي فالساقين ديالك

-زيادة الإفرازات المهبلية

-يمكن يجيك تعفن في المسالك البولية أو تحسي بحريق البول

-الأسنان ديالك كتولي حساسة أكثر وهشة

-غينقص الشعور بالتعب والعياء، وغتكوني متحمسة باش تكتاشفي أول صور الأشعة اللي كتبين لك جنينك، واللي غتخليك أكثر حماس باش توجدي لصغيرك مستلزماته.

-غتكوني متحمسة أيضا باش تحضري لحصص اللي كتهيئك للولادة.

-يمكن تحسي ببعض القلق وهذا أمر طبيعي، دلع كتوصيك باش تقراي كتب أو مواضيع ومقالات خاصة بالرضاعة، معلومات على الرضع، على الولادة، باش تتهدني أكثر وتنساي القلق ديالك وتتعلمي أكثر على الأمومة.

-خاصك أيضا تستمتعي بكل لحظة كتعيشيها في الحمل ديالك.

دلع كتطمأنك أن:

• غتظهر تغيرات على الجسم ديالك وحتى الأحاسيس ديالك غتتبدل نهار على آخر
• يمكن للطبيب ديالك يقترح عليك تقومي ببعض الفحوصات
• يمكن يقوم بالتصوير بالأشعة
• يمكن ليك تتعرفي على جنس المولود وحتى تسمعي لأول مرة نبضات قلبه
• يمكن ليك تبداي تجهزي لأوراق إجازة الأمومة