شنو نتوقع في الثلث الأول من الحمل؟

الثلث الأول من حملي بين الفرح، البهجة، الغثيان والتوتر…

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة.

الحمل مغامرة فريدة كتنتظرها النساء بفارغ الصبر، وكتعتبر أيضا فترة التغيرات الهرمونية اللي يمكن تسبب بعض الإرباك الجسدي والنفسي للمرأة. يمكن ليك تطرحي الأسئلة اللي بغيتي. دلع غتطمأنك وتشرح ليك التغيرات المختلفة اللي يمكن توقع للجسم ديالك في فترة الحمل:

دلع غتتشارك معك التغيرات الجسدية الطبيعية اللي يمكن تلاحظيها خلال الحمل:

-غياب الدورة الشهرية

-الثديين كيكبروا ويتزاد الحجم ديالهم، كيوليو حساسين

-تسارع دقات القلب ابتداء من الأسبوع السادس، وكيبقى تقريبا إلى آخر الحمل، هذا أمر طبيعي لأن القلب كيحتاج باش يضخ كمية أكبر من الدم بسبب حاجات الجنين الغذائية، خاصة أن الجسم ديالك كيرسل كمية من الدم للجنين .

-إنتاج اللعاب بشكل كبير

-غتحسي باللي النفس ديالك قصير، وحاجتك للأوكسجين كتزاد خلال فترة الحمل

-غيبدا الوزن ديالك يتزاد شوية

وأيضا كتخبرك دلع أن بعض الأعراض المزعجة يمكن تظهر عليك بحال:

-احتقان الأنف

-رغبة متكررة في التبول

-تغيرات في المزاج

-العيا والتعب

-صداع الرأس

-غثيان، قيء، عدم ارتياح في المعدة.

-إمساك

-خروج بعض الإفرازات المهبلية

-ضيق في التنفس

-الدوخة والشعور بالدوار

دلع كتطمأنك أن:

• التغيرات الجسدية كتظهر ابتداء من الشهور الأولى للحمل، إيلا كانت بعض الأعراض المقلقة يمكن لك استشارة الطبيب