علامات الولادة

حملك اقترب من نهايته، هادو هوما علامات الولادة اللي خاصك تعرفيها

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة.

دلع كطمأنك بأن أي امرأة يمكن لها تشعر بالعلامات والآلام بشكل مختلف، لكن الانقباضات القوية والمنتظمة هي علامة على أن مخاضك قد بدأ.

دلع غتشرح ليك الخطوات الثلاث الرئيسية أثناء عملية الولادة:

1. تقلصاتك كتزاد وكيبدا عنق الرحم في الانفتاح.
2. عنق الرحم مفتوح بالكامل، وكتساعدي طفلك على التحرك من خلال المهبل عن طريق الدفع أثناء الانقباضات.
3. بعد ولادة طفلك، كينقبض الرحم وكيدفع المشيمة للخارج عبر المهبل.

هادي هي العلامات اللي كتشير إلى بدء المخاض:

• نزول ماء الولادة
• توسع عنق الرحم
• آلام الظهر أو آلام المعدة
• تقلصات أو شد مثل آلام الدورة الشهرية
• الإحساس بالضغط، حيث يدخل رأس الطفل إلى الحوض
• الشعور بالرغبة في الذهاب إلى الحمام بسبب ضغط رأس طفلك

دلع كتطمأنك أن:

• من المهم التزام الهدوء وعدم الذعر
• التحكم في التنفس يمكن ليه يهدئك ويمنحك الراحة
• قولي مع نفسك أن طفلك غيكون أخيرًا بين ذراعيك