اكتئاب ما بعد الولادة

شنو هو اكتئاب ما بعد الولادة؟

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة

 بزاف ديال الأمهات كيعيشو هاد الفترة الصعبة بعد الولادة ، منها القلق، نوبات الغضب، التوتر، الحزن والخوف. هاد الفترة كتتسمى اكتئاب ما بعد الولادة. دلع كتطمأنك أن هاد الاكتئاب عابر وغيفوت، ومهم بزاف تردي البال لهاد الأعراض إيلا ظهرت عليك:

• كتحسي بالحزن والبكا بلا ما تعرفي السبب
• كتحسي براسك عيانة بزاف ولكن مكتقدريش تنعسي
• كتنعسي بزاف
• مكتقدريش تحبسي من الماكلة واخا ما فيكش الجوع
• عندك آلام مختلفة في الجسم والعضلات ديالك
• ماعرفتيش علاش كتقلقي بسرعة وكتغضبي على أبسط حاجة
• كتغير حالتك المزاجية فجأة وبدون سابق إنذار.
• مكتقدريش تتحكمي في أعصابك
• عندك صعوبة في تذكر الأشياء.
• مكتقدريش تركزي أو تاخدي قرارات بسيطة
• ما كتعجبك حتى حاجة كنت كتبغي ديريها
• كتحاولي تبعدي من طفلك وكتسولي راسك علاش مكنحسش بجهتو بالفرحة
• كتحسي أن ماعندك قيمة وحبيسة للمشاعر السلبية ديالك
• باغا تبعدي من كل شيء وعلى الناس وتبقاي بوحدك

دلع كتطمأنك أن:

• القليل من الاهتمام، الاستماع أو المساعدة من المقربين منك وأصدقائك غتعاونك باش تتغلبي على هاد الاكتئاب
• اكتئاب ما بعد الولادة عابر وغيفوت
• كل أم كتعيش هاد المرحلة الصعيبة بطريقتها، من المهم تتحدثي مع الأم ديالك، الأخت أو الصديقة اللي غيكونو في الاستماع ليك.