دلع TV تسجيل الدخول

رسائل إخبارية

احصل على السعادة
كل أسبوع!

الغثيان والقيء خلال الحمل

 الغثيان والتقيؤ خلال الحمل…اكتشفوا تفاصيلهما

الحمل والولادة هما من أهم التجارب اللي كتمر بها كل أم فحياتها.

هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهاذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.

وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة

غتجاوب دلع على التساؤلات اللي كتطرحها بزاف ديال الأمهات فحال:

واش الغثيان والتقيؤ طبيعيين في فترة الحمل؟

كيتسماو “الغثيان الصباحي”، كيتعتبر التقيؤ والغثيان أمران طبيعيان في فترة الحمل وماعندهمش أي تأثير على الجنين، ولكن كيزعج الأم، وكيقلل من نشاطها اليومي وتحركاتها وكيخلي الخاطر ديالها مقلق.

امتى كتبدا الحامل تشعر بالغثيان؟

عادة كيبدا الشعور بالغثيان والتقيؤ قبل الأسبوع التاسع من الحمالة. وعند أغلب النساء، كيبدا يختفي في الأسبوع ال14 للحمل. عند فئة كبيرة من النساء يمكن يستمر لأسابيع وشهور وعند فئة قليلة طيلة فترة الحمل.

واش الغثيان والتقيؤ كيطولو بزاف؟

كتختلف مدة وعدد مرات الشعور بالغثيان من امرأة لأخرى وهذا أمر طبيعي، كيكون هاد الشعور في فترة قصيرة ، ويمكن تتقيء المرأة مرة أو مرتين في اليوم، أما الغثيان يمكن يطول لساعات خلال اليوم.

كيفاش يمكن لنا نتحكمو فهاد الشعور؟

يمكن لبعض التغيرات في الطعام اللي كتتناول المرأة الحامل وحتى نمط العيش اليومي ديالها ينقص شوية من الشعور بالغثيان ويخليها تحس بشعور أفضل. تناولي الفيتاميانات، نظمي ساعات تناول الوجبات، اختاري الطعام الصحي.

امتى يمكن يشكل لنا هاد الشعور بالغثيان والتقيؤ مُشكل صحي؟

يمكن للغثيان والتقيؤ يصبحو مُشكل صحي إيلا مقدرناش نقصو من كمية الطعام والسوائل وبدينا كنقصو الوزن بشكل ملحوظ

دلع كتطمأنك أن:

  • الغثيان والتقيؤ كيبدا عادة قبل الأسبوع التاسع من الحمل
  • يمكن تحسي بيهم في أي وقت خلال النهار