شنو نتوقع في الثلث الأول من الحمل؟
الثلث الأول من حملي بين الفرح، البهجة، ...
حرقة المعدة و ارتجاع الحمض
كيفاش تخففي من حرقة المعدة وارتجاع الحمض خلال الحمل؟
الحمل والولادة هما من أهم التجارب اللي كتمر بها كل أم فحياتها.
هي تجربة حقا رائعة لكن كتجيب معاها العديد من التخوفات والتساؤلات اللي كتطرحها كل أم، خاصة الأمهات الجدد لهذا دلع كترافقك بكل عناية وكتشارك معاك مواضيع كثيرة ومختلفة كالحمل، الولادة، صحة الرضيع، التغذية،… وكتقدم ليك مجموعة من المعلومات والنصائح اللي تخليك تعيشي هاد المرحلة بكل إيجابية واطمئنان.
وماتنسايش أن زيادة على كل هاد المعلومات، غريزتك كأم كتبقى أحسن بوصلة يمكن ليك تتبعيها، وماشي مشكل أنك تغلطي أو تشكي، المهم أنك تعطي لطفلك الحنان والعناية اللي محتاج ليهم، لأن الطفل مكيحتاجش لأم مثالية بل لأم راضية وسعيدة ومحبة.
خلال فترة الحمل، كتظهر عند الأم مجموعة من الأعراض منها ارتجاع حمض المعدة والحرقة. هاد الاضطرابات الهضمية كتبان بزاف في الجزء الأخير من الحمل. من أجل راحتك دلع غتشرح لك بشكل مُبسط كيفاش تقدري تهدني من حرقة المعدة وارتجاع الحمض طيلة فترة الحمل:
- تناولي أكثر وجبات صغيرة وتجنبي شرب الماء خلال الأكل
- شربي بزاف ديال الماء بين الوجبات
- تناولي الطعام بشوية ومضغي الأكل مزيان
- تجنبي تناول الطعام 3 ساعات قبل النوم
- تجنبي تناول الأطعمة اللي فيها التوابل والمشروبات الغازية
- لبسي حوايج مُريحين
- حاولي تستعملي وسادات تعلي راسك شوية أثناء النوم
- نعسي على الجنب اليسار
- تناولي مسكة بدون سكر بعد الأكل. زيادة اللعاب في الفم يمكن يوحد حمض المعدة ويحميك من الارتجاع
دلع كتطمأنك أن:
- غتخسي بارتجاع حمض المعدة بشكل كبير في الثلث الأخير من الحمل
- ياغورت طبيعي أو كأس حليب يمكن يخفف عليك ارتجاع حمض المعدة
- مشروب شاي البابونج مع العسل كيهدن آلام المعدة والحرقة.
